مرحباً وحياكم الله جميعاً في هذه التدوينة بتكون شرح لطريقة الطلب من صيدلية caretobeauty البرتغالية تتميز ان أسعار المنتجات عندهم عندهم اقل من الصيدليات اللي عندنا بس ننتبه لشغله إذا ودك بشيء واحد أفضل تشترينه من هنا اما لو مجموعة أشياء او كنتم مجموعة بتطلبون مع بعض اطلبوا من الصيدليات الأجنبية لأن سعر الشحن بيكون مقسم عليكم اما لو منتج واحد راح تتكلفون في الشحن
الموقع يدعم اللغة العربية فما راح تواجهون أي مشكلة لان في كل شيء مترجم على أن الترجمة شوي فيها مشاكل ولكن مفهومه حبيت صراحة أنهم داعمين اللغة العربية والأسعار كمان تظهر بالريال مجرد انكم تختارون المنتج اللي ودكم فيه تضيفون للسله ولاحظوا فرق السعر بيننا وبينهم
بعد ما اضفنا المنتج اللي ودنا فيه نسوي عرض للسله راح يظهر لنا مجموع المشتريات بدون سعر الشحن
الشحن عندهم مجاني إذا طلباتك تعدت 500 وشي يعني اكثر من 500
اهم مرحلة وهي معلومات الشحن ضروري تكون المعلومات باللغة الإنجليزية علشان شركة الشحن ما تضيع لكم الشحنة تخيلوا كاتبينها بالعربي وهي طالعة من البرتغال صعبه تصير الدنيا حوسة كمان ركزوا على الرمز البريدي راح تحصلونها في موقع العنوان الوطني او البريد السعودي يقدم ذا الميزة
نجي للشحن الشحن عندهم ثلاث خيارات البريد السعودي العادي وهو الارخص وبياخذ وقت طويل والبريد الممتاز واخر شي dhl اختاروا الشحن اللي يناسبكم
طريقة الترجيع شويه حوسه أول شي يحتاج ترسل لهم على الإيميل ونفقات الشحن على العميل المنتجات لازم تكون حالتها الأصليه مغلفة تغليفها الأساسي في بعض الأشياء ما عليه ترجيع بحط لكم رابط من موقعهم يشرح الترجيع
https://www.caretobeauty.com/sa/ar/helpcenter/returned-order-returns-refunds/returns-refunds-policy/
وبس كذا وصلنا لنهاية الشرح اتمنى ان الشرح واضح ومفهوم اي استفسار اكتبوا لي